13 Novembro - Novaescena Teatro

DATA.- Domingo 13, Novembro 2011

HORA: 19:00 h.

OBRA: "O Inspector"

XENERO: Comedia

AUTOR: Baseada nun texto de Nicolai Gogol

DIRECCIÓN: Xoán Carlos Laxe

DURACION: 60 min.

GRUPO:"Novaescena Teatro", (Lugo)

Reparto:

Andrés Castelo: Ivan López.

Chelo Trinidad: Bárbara Viga.

Encarnación Vázquez: Susana Hermida.

Marcos Castro: Vicente Roxón.

María Lage: María Antonia.

Mariana Vázquez: Antonia Axís.

María Márquez: Artemia Rodriguez.

Marifí Ares: Camarera.

Xoán C. Laxe/Alberte Casasnovas: Policía.

Sinopse:

Nunha vila galega calquera, os políticos do consistorio confunden a un viaxeiro tunante cun inspector que estaban a agardar, ofrecéndolle todo tipo de beneficios económicos a cambio de agachar tódalas irregularidades cometidas durante anos. As forzas vivas da vila: empresarios, construtores... han ter tamén moito que dicir.

O Inspector (Nicolai Gogol, 1809-1852), unha das obras máis significativas do teatro ruso, aborda en ton de sátira unha constante social, por desgraza ligada ao ser humano: a corrupción.

A adaptación que propoñemos pretende, en primeiro lugar, achegar a visión satírica e hilarante de Gogol aos tempos actuais, salpicados acotío de escándalos económicos vinculados ao incorrecto exercicio da política. Con ese salto temporal, se ben nos afastamos do texto orixinal, somos fieis á intención social do autor. Non en van, xunto co compoñente satírico, a busca dun realismo social foi un salientable achado deste ruso, que tanta influencia tivo en autores como Mijaíl Bulgákov ou Yevgeni Zamiatin.